Qadınlar necə xoşbəxt ola bilərlər? Missis Març xoşbəxtlik haqqında belə nəsihət verir: “Mən istəyirəm ki, qızlarım gözəl, savadlı və mehriban olsunlar. Onların gözəl gələcəyi olsun, ağılla ailə qursunlar və Tanrının göndərdiyi kiçik qayğılarla faydalı və xoş ömür sürsünlər. Yaxşı insan tərəfindən sevilmək və seçilmək – qadının həyatında baş verə biləcək ən gözəl, ən xoş hadisədir və tam səmimi, ümid edirəm ki, qızlarım bu xoşbəxtliyi dada biləcəklər. Əzizlərim, istəmirəm ki, siz özünüzü həyatın ağuşuna atasınız, zəngin adamlarla vardövlətlərinə görə və ya sevginin hökm sürmədiyi gözəl malikanələrinə görə ailə qurasınız. Pul zəruri və dəyərli anlayışdır, onu səmərəli istifadə edən üçün faydalı vasitədir. İstəmirəm, düşünəsiniz ki, o, həyatda əsas və yeganə məqsəddir. Sizi qəlb rahatlığından məhrum olmuş, özünə hörmət etməyən taxt-tacda oturan kraliçalardansa, kasıb kişilərin xoşbəxt, sevilən, məmnun xanımları kimi görməyə daha çox üstünlük verirəm”.