Kitabda Günel Anarqızının vətənpərvərlik ruhunda yazılmış və 44 günlük Vətən müharibəsindən xeyli əvvəl qələmə alınmış "Sərhədsiz səma" radiopyesi, "Şuşam", "Ataya məktub", "Bayrağa ithaf", "Şəhərim", "Sonsuzluq" kimi hekayələr yer alıb. Həmçinin, Xalq yazıçısı Anarın "Beşmərtəbəli evin altıncı mərtəbəsi" romanının davamı olan "Altıncı" povesti və digər əsərlər də kitaba daxil edilib. Kitabın hər bir əsərinin əvvəlində yerləşən QR kodu vasitəsilə, oxucular YouTube platformasında məşhur aktyorların ifasında həmin əsərləri izləyə və dinləyə bilərlər.