Qəpiyə güllə atan jurnalist Rinat Şaripovun yuxusuna belə girməzdi ki, nə vaxtsa ona tanımadığı əmisindən miras qalacaq və o, bir günün içində milyarderə çevriləcək. Bahalı maşınlar, lüks restoranlar, dəbdəbəli malikanələr, cazibədar qadınlar... Keçmiş jurnalist görür ki, hər kəsin ona qarşı olan münasibəti yüz səksən dərəcə dəyişir, keçmiş arvadı başına dolanır, digər insanlar qabağında ikiqat olur... Amma Rinat dərk eləməlidir ki, müftə pendir yalnız siçan tələsində olur və həyatda hər şeyin bədəli olduğu kimi, bu sərvətin də bir bədəli var. Qorxu... Kimsə Rinata atəş açır və o, qolundan yaralanır... Rinat nə etməli, özünü necə qorumalıdır? O özünü cəngəllikdəki tək-tənha dovşan balası kimi hiss edir. Kimlərsə onu öldürməkmi istəyir? Yaxşı, bəs kimlər? Bəlkə milyarder əmisi ilə onun ailəsinin mindiyi vertolyotu partladanlar? Rinat hələ də bilmir ki, özünə verdiyi bu sualların cavabları onu qəfildən milyarderə çevrilməsindən daha az şaşırtmayacaq...