İraqlı yazıçı Aminə Sədr çətin anlaşılan elmi-fəlsəfi mövzuları bədii üslubla, anlaşılan dildə oxuculara çatdırması ilə tanınır. Müəllif bu istiqamətdə bir çox əsərlər qələmə almışdır. O bu romanında Tanrının varlığı ilə bağlı bəzi şübhələrə aydınlıq gətirir; kainatın başlanğıcının olması, Tanrının varlığı, əzəliliyi və bu kimi mövzulara toxunur. Əsərin qəhrəmanı Rihab Tanrıya inamı köhnəfikirlilik hesab edərək bu inancın zəif kütlənin ali qüdrət axtarışı nəticəsində meydana gəldiyini düşünür və kəskin mövqedə dayanır... Çox keçmir ki, o, İngiltərədə təhsil alan Mustafanın yazdığı məktublarda şübhələrinin əksini ortaya qoyan faktlarla qarşılaşır və uzun müddət davam edən məktublaşma başlanır... Lakin bacısı Həsənat hələ də bilmir ki, nişanlısı Mustafanın aylardır ona məktub yazmamasının səbəbkarı elə Rihabın özüdür.