“Ey fırtınaların girdabına düşən insanlar – harada olursunuz olun, hansı şəraitdə yaşayırsınız yaşayın, – bilin ki, həyat okeanında xoşbəxtlik adaları sizə gülümsəməkdə və ideallarınızın günəşli sahilləri sizin gəlişinizi gözləməkdədir. Düşüncələrinizin sükanından möhkəm yapışın. Kapitan ruhunuzun dərinliklərində yatır, onu oyadın. Özünə hakim olmaq güclü olmaq deməkdir. Doğru düşüncə məharətdir, sükunət gücdür. Qəlbinizə söyləyin: “Hüzurlu ol, sakitləş!”” Arzulamaq əldə etməkdir, istəmək nail olmaqdır. Rəvadırmı ki, insanın ən səfil hisləri məmnun edilsin, ən pak arzuları isə bir kənara atılsın? Qanun belə deyil. Bu, yolverilməzdir. “İstəməli və almalısınız”. Böyük xəyallar qurun. Xəyal qurduqca ona doğru gedəcəksiniz. Xəyalınız bir gün o yerə çatacağınızı vəd edir, idealınız əldə edəcəklərinizi xəbər verir. Ceyms Allen (James Allen) – motivasiya kitabları və şeir­ləri ilə tanınan Britaniya yazıçısıdır. Ceyma Allen öz ədəbi əsər­lərində şəxsiyyətin motivasiyası və daxili potensialın ü