İspaniyanın Çiklana kurortundakı dəbdəbəli oteldə bir-birinin ardınca qətllər və əntiq cavahiratın qarəti baş verir. Cəmiyyətin elit təbəqəsinin nümayəndələrinin istirahət etdiyi, zəngin həyatdan zövq aldıqları məkanda güclü mühafizəyə rəğmən, belə cinayətlərin törədilməsi görünməmiş hadisədir. Belə yerə gəlməyə, qonaqların sırasına qoşulmağa, nəzər-diqqəti cəlb etməməyə, mühafizənin gözü önündən yüz minlərlə dəyərində brilyantları və məşhur “Mavritan gözəli” həmailini oğurlamağa kimin cürəti çatar? Dünya şöhrətli detektiv yazıçı Çingiz Abdullayevin dillər əzbəri Dronqo xəfiyyəsini oxucu bu kitabda fərqli rakusdan görəcək. İnterpolun, yerli ispan polislərinin, Amerikanın FTB-nun əməkdaş-larının iştirakı ilə ipucuların çözələnməsində iştirak etmək istəyirsinizmi? Detektiv janrının qaydalarının birinin əksinə yazılmış “Riyakarın iflası” əsəri çox maraqlı kitabdır, peşman olmayacaqsınız.