“Qafqaz səfəri” fransız yazıçı Aleksandr Düma tərəfindən yazılan səyahətnamədir. Aleksandr Düma 1858-ci ilin ikinci yarısından 1859-cu ilin əvvəlinə kimi Qafqaz da daxil olmaqla Rusiya İmperiyası ərazisində olmuşdur. Səyahətinə Peterburqdan başlayan A.Düma daha sonra Moskva, Kazan, Saratov və Həştərxandan keçməklə Qafqaza gəlmiş, burada bir sıra Azərbaycan şəhərlərində, o cümlədən Dərbənd, Quba, Bakı, Şamaxı və Nuxada olmuşdur. A.Düma Nuxadan Tiflisə, oradan da Potiyə getmişdir. O, Potidən gəmi ilə İstanbula, oradan da Marselə getmişdir. Vətənə qayıdan yazıçı səfər yaddaşını “Qafqaz səfəri” adlı əsəri ilə oxucuları ilə bölüşüb.