Bu kitab bir tarixdir: bir insanın, onun ailəsinin, xalqının, ölkəsinin, hər hansı icmaya mənsub insan adlarının, həmçinin toponimlərin və baş vermiş hadisələrin tarixi dəqiqliyi ümumi kontekstdən çıxarılarsa, bəlkə də bütün bəşəriyyətə və bütün dövrlərə aid tarix! Hər bir fərd xarakterindən, fəaliyyətindən, milliyyətindən, təhsilindən, dinindən (yaxud dinsizliyindən) asılı olmayaraq, özünəməxsus yaşam tərzi ilə fərqlidir. Bir çoxları öz həyatını rahatlıq axtarışında axarına buraxır, digərləri axına qarşı baş vurur; bir başqaları isə — körpü olmadığı təqdirdə — dalğaları yararaq sahilin əks tərəfinə keçməyə müvəffəq olur və arxaya boylandıqda qət etdiyi yollara nəzər salaraq kənardan hər şeyin başqa cür olduğunun şahidi olurlar. Etiraf etmək nə qədər çətin, nə qədər arzuolunmaz olsa da, bu cür baxış prizmasında dünyanın mükəmməllikdən, eyni zamanda qəbul edilmiş əxlaq və ədəb normalarından çox-çox uzaq olduğu aşkar olunur!..