İnsanların düşüncəsi manipulyasiya və təhdid yolu ilə nəzarətdə saxlanılır. Xalqı yalnız bir partiyanın formalaşdırdığı sərt siyasi rejim idarə edir. Bu idarəçiliyin əsas və yeganə vasitəsi qorxudur. Roman boyunca hər yerdə Böyük Qardaşın rəsmlərinə rast gəlir, onun səsini eşidirik. O, sanki tanrı kimi hər şeyə nəzarət edir. Onun rəhbərliyi altında cəmiyyət rejimin müəyyən etdiyi qanun və qaydalara əməl etməyə məcbur edilir. Fərqli düşünən hər bir insanın şüuru manipulyasiya olunur və o, qısa müddət ərzində ümumi qəlibə salınır.Distopiya janrının ən yaxşı nümunələrindən biri hesab olunan bu roman həm də ədəbiyyatın totalitar təfəkkürə və despotik idarəçilik üsullarına qarşı mübarizəsinin ən parlaq örnəklərindən biridir.