Bu, 13 yaşlı Anna Frankın yazdığı gündəlikdir. Almaniyada doğulan Anna ailəsi ilə birlikdə faşistlərdən gizlənmək üçün Niderlanda köçür. Bir neçə ailənin yaşadığı sığınacaqda qorxu və vahimə dolu günlər onu gündəlik yazmağa vadar edir. 12 iyun 1942-ci ildən 1 avqust 1944-cü ilədək baş verənləri uydurduğu "Kitti" adlı rəfiqəsi ilə paylaşır. Əvvəlcə bunu əyləncə kimi görsə də, Niderland təhsil nazirinin radio müraciətindən sonra bu işə ciddi yanaşır. Nazir insanları işğalla bağlı sənədləri qorumağa çağırır. Anna daim qorxu içində yaşasa da, gündəliyin salamat qalacağına inanır. Bu gündəlik hazırda 70-dən çox ölkədə nəşr olunub.