“Naməlum döngələr” romanı 1975-2001-ci illərdə Azərbaycanın Qazax rayonunda baş vermiş hadisələr əsasında yazılmışdır. Roman hüquq mühafizə orqanlarının cinayətkarlarla əlbir olmasından, şərab zavodunda baş vermiş oğurluğu gizlətmək məqsədi ilə əsərin əsas qəhrəmanı olan Şamilin günahsız yerə həbsə məhkum edilməsindən və ədalətin necə bərpa edildiyindən bəhs edir. Romanın ikinci əsas qəhrəmanı olan Həsən adlı gəncin günahsız həbs edilməsi, həbsxanada mücadiləsi, yaşadığı ailə faciəsi, intiqamı və Moskvada kriminal iş dünyasında nüfuzlu avroritet sayılan bir şəxsin qoruması olaraq davam etdiyi həyat yolu, kriminal qruplaşmaları arasında olan savaşlarda iştirakı əsərin əsas mövzularından biridir. Romanda Qazax rayonunda, Moskvada baş vermiş, tarixdə iz buraxmış digər hadisələr və həyat yolu bu hadisələrlə bağlı olan müəyyən insanların taleyi də öz əksini tapmışdır.