1. Bakı Kitab Mərkəzi harada yerləşir?
Səbail rayonu, Üzeir Hacıbəyli küçəsi 5, Xaqani bağının yanı (keçmiş Molokan bağı).
2. Bakı Kitab Mərkəzinə giriş pulsuzdur?
Bəli.
3. Kitab əvəzinə şəxsiyyət vəsiqəsini qoyaraq kitabı evə aparmaq mümkündürmü?
Xeyr.
4. Bakı Kitab Mərkəzinə öz kitabınla gəlmək olarmı?
Bəli.
5. Bakı Kitab Mərkəzində hansı kitabları oxumaq olar?
Yalnız Bakı Kitab Mərkəzinin "Kitabxana" şöbəsindən və ya özünüzlə gətirdiyiniz kitabları oxuya bilərsiniz.
6. Bakı Kitab Mərkəzinin iş saatları:
Baku Book Center fasiləsiz həftənin yeddi gününü işləyir. İş saatları: Bazar ertəsi - Şənbə: 10:00 - 22:00; Bazar günü: 11:00-22:00.
7. Bakı Kitab Mərkəzinə içki və yeməklə niyə gəlmək olmaz?
Çünki yemək və içki mebel, avadanlıq və kitabları ləkələyə bilər.
8. Bakı Kitab Mərkəzinə ev heyvanları ilə gəlmək olarmı?
Mərkəzin ziyarətçiləri arasında narazılıq və narahatlıq olmasa təhlükəsiz heyvanlarla gələ bilərsiniz.
9. Bakı Kitab Mərkəzinin bonus kartı varmı?
Bəli, bonus kartlarını Mərkəzin kassasından əldə etmək olar.
10. Umico xidmətindən istifadə etmək olarmı?
Bəli.
11. Kitab necə qaytarılır?
Aldığınız məhsuldan tam razı deyilsinizsə, məhsulu çatdırılan gündən 24 saat ərzində geri qaytarmaq və ya 3 gün müddətində dəyişdirmək hüququnuz var.
12. BKM-də hansı endirimlər var? Müəllimlər və ya tələbələr üçün endirim varmı?
Bakı Kitab Mərkəzində mütəmadi olaraq endirimlər təşkil olunur. Endirimlər müəllimlər və tələbələrə də aiddir. Endirimlər müxtəlif bayramlara, bəzən həftə sonlarına təyin edilir və ya bir aksiya, layihə çərçivəsində həyata keçirilir.
13. Kitabı xaricə çatdıra bilərsinizmi?
Bu xidmət hazırda mövcud deyil.
14. Müəllif öz kitablarını Bakı Kitab Mərkəzində necə satışa qoya bilər?
Bunun üçün müəllif Bakı Kitab Mərkəzinin ofisi ilə əlaqə saxlamalıdır. Müəllif kitabının bir nüsxəsini, həmçinin, şəxsiyyət vəsiqəsinin, VÖEN (şəhadətnamə) və bank rekvizitlərinin surətlərini Bakı Kitab Mərkəzinin ofisinə təqdim etməlidir. Bundan sonra müəlliflə müqavilə bağlanacaq.
15. Kitab çeşidləri hansı tezliklə yenilənir?
Yerli nəşriyyatlardan demək olar ki, hər həftə kitab alırıq, xarici nəşriyyatlardan kitab çeşidləri hər iki ayda bir dəfə yenilənir.
16. "Kitabxana" şöbəsindən kitab əldə etmək və ya başqa kitablarla dəyişdirmək olarmı?
Xeyr.
17. Tədris zonasında yerləşən kompüterlərin məqsədi nədir?
Kompüterlər audio-kitabları dinləmək üçün istifadə edilə bilər.
18. Baku Book Center itirilmiş əşyalara görə cavabdehdirmi?
Xeyr.
19. Mərkəzdə dərs keçirmək mümkündürmü?
Təkbaşına dərs öyrənmək, ev tapşırıqlarını edə bilərsiniz, amma kollektiv şəkildə yox.
20. Mərkəzdə tədbir keçirmək mümkündürmü?
Bəli, bunun üçün Baku Book Center-in ofisi ilə telefonla əlaqə saxlaya bilərsiniz (telefon: +99412 5059999) və ya [email protected] elektron ünvanına tədbirlə bağlı məktub göndərə bilərsiniz.
21. Namaz qılmaq, uşaq baxımı üçün otaqlar varmı?
Hazırda belə bir otaq yoxdur.
