Sentyabrın 2-də Bakı Kitab Mərkəzində gənc yazıçı Ülviyyə Quliyevanın “Kainatla dialoq” kitabının təqdimatı keçirilib. Tədbirdə Bakı Kitab Mərkəzinin direktoru Günel Anarqızı, “Şərq-Qərb” nəşriyyatının direktoru Sevil İsmayılova, nəşriyyatın redaktoru Gültəkin Cəfərova, alim Rafiq Əliyev və digər qonaqlar çıxış ediblər. Çıxışlarda kitabın mövzusunun müasir oxucu üçün maraqlı və düşündürücü olduğu vurğulanıb. Müəllif Ülviyyə Quliyeva çıxışında kitabın əsas ideyasının insanın ətrafında baş verən hadisələrə diqqətlə yanaşması ilə bağlı olduğunu bildirib. O, təsadüf kimi qəbul edilən bəzi hadisələrin insan həyatında müəyyən məna daşıya biləcəyini diqqətə çatdırıb. Tədbirin sonunda müəllif oxucular üçün kitablarını imzalayıb.