Dekabrın 19-da Bakı Kitab Mərkəzində xalq yazıçısı Maqsud İbrahimbəyovun “Neft bumu hamıya gülümsəyir” kitabının təqdimatı keçirilib. Tədbir Maqsud İbrahimbəyov Yaradıcılıq Mərkəzinin təşkilatçılığı ilə eyni adlı festival çərçivəsində baş tutub. Tədbiri giriş sözü ilə Bakı Kitab Mərkəzinin direktoru Günel Anarqızı açaraq qonaqları salamlayıb. Daha sonra mərhum yazıçının həyat yoldaşı Anna İbrahimbəyova festival və nəşr haqqında ətraflı məlumat verib. Təqdimatda çıxış edən ictimai xadim Mixail Qusman və professor, fəlsəfə doktoru Rəna İbrahimbəyova yazıçı ilə bağlı düşüncələrini bölüşüblər. Təqdimat Bakı şəhəri üzrə tədqiqatçı Fuad Axundovun maraqlı mühazirəsi ilə davam edib. O, XIX əsrin sonu – XX əsrin əvvəllərində Azərbaycanda neft sənayesinin sürətli inkişafının Bakının tarixi, memarlığı, eləcə də sosial və iqtisadi həyatında yaratdığı mühüm dəyişikliklərdən bəhs edib.