Fevralın 7-də Heydər Əliyev Fondunun və Bakı Kitab Mərkəzinin təşəbbüsü və BP şirkətinin maliyyə dəstəyi ilə reallaşdırılan “YÜKSƏL” layihəsi çərçivəsində növbəti mühazirə keçirilib.
"Eqo ən böyük düşməndir" mövzusunda mühazirəni PAŞA Bankın korporativ əlaqələr üzrə direktoru Sona Abbasova təqdim etdi. Tədbirdə Azərbaycan Dövlət Neft və Sənaye Universiteti, Azərbaycan Dillər Universiteti, Bakı Slavyan Universiteti, Azərbaycan Memarlıq və Inşaat Universitetinin, Bakı Neft-Energetika Kollecinin tələbələri iştirak etdi.
Şəxsi karyerasının uğur hekayəsi ilə bölüşərək, Sona Abbasova iştirakçılara marketinqin hissəsi olan brendinqin təsviri, brendin yaradılması, qurulması və tanınması barədə məlumat verdi. Tədbirdə marketinq sahəsində olan yeniliklər, yeni istiqamətlər, texnologiyalar da müzakirə olundu. Mütəxəssis, həmçinin, cavanları yeniliklərə açıq olmaq, öz üzərində işləmək, eqolarına üstün gəlməklə, ən yüksək zirvələrə çatmağa çağırdı. Sonda iştirakçılara Sona Abbasova tərəfindən məsləhət görülmüş kitablar hədiyyə olundu.
19.04.2024
Aprelin 19-da Bakı Kitab Mərkəzində Heydər Əliyev Fondunun dəstəyi ilə “Azərbaycan İrəvanı” sənədli filminin nümayişi olub. Fortis Construction şirkətinin “Fortis Films” layihəsi çərçivəsində hazırlanan “Azərbaycan İrəvanı” sənədli filminin təqdimatında Azərbaycanın mədəniyyət, elm xadimləri, rəsmi şəxslər və digər qonaqlar iştirak ediblər.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
12.03.2024
Martın 12-də "Regional İnkişaf" İctimai Birliyi (RİİB) və Baku Book Center-in birgə təşkilatçılığı ilə Vətən müharibəsində qazanılan şanlı Qələbəyə və onun tarixinə həsr edilən "Vətən müharibəsi tarixi - Şəxsiyyət faktoru" kitabının çin dilindəki nəşrinin təqdimatı olub.
