Dekabrın 18-də Bakı Kitab Mərkəzində CELT Tədris və İnkişaf Mərkəzinin yeni “Riyaziyyat” kitabının təqdimatı keçirilib. Tədbirdə rəsmi qonaqlar və təhsil sahəsinin nümayəndələri iştirak ediblər. Qeyd edək ki, təqdimatı keçirilən kitab 8 hissədən ibarətdir və 6-cı sinifdən 11-ci sinfə qədər riyaziyyat proqramını əhatə edir. Kitab müxtəlif daxili və beynəlxalq imtahanlara hazırlıq məqsədi ilə hazırlanıb. Bu vəsaiti tam mənimsəyən şagirdlər CELT imtahanları da daxil olmaqla SAT, GMAT, GRE, IGCSE və A-level kimi beynəlxalq imtahanlarda iştirak üçün zəruri bilik bazasına yiyələnəcəklər.