İyulun 10-da Bakı Kitab Mərkəzində “Dirilik” məcmuəsinin transliterasiya edilmiş toplusunun təqdimat mərasimi keçirilib. Azərbaycan milli mətbuatının 150 illiyinə hədiyyə olaraq British Petroleum (bp) şirkətinin dəstək verdiyi bu nəşr milli mətbuatın tarixi və müasir ənənələrinə, xalqın mənəvi inkişafındakı roluna verdiyi yüksək dəyərin ifadəsidir. Tədbirdə həmçinin, Müsəllim Həsənovun “Neftimizin Avropaya uzun yolu” kitabı ictimaiyyətə təqdim edilib. Kitab Bakı, Moskva və Sankt-Peterburq arxivlərində qorunan unikal nadir sənədləri və dövri mətbuat materialları əsasında yazılıb.