Aprelin 20-də Bakı Kitab Mərkəzində "Леонид Вайнштейн. Книга-память" adlı kitabın təqdimatı keçirilib. Kitab Azərbaycan bəstəkarı, pedaqoq, Əməkdar incəsənət xadimi Leonid Vaynşteynin xatirəsinə həsr olunub.Kitabın ideya müəllifi və tərtibatçısı - Şən və Hazırcavablar Klubunun əfsanəvi “Bakılı oğlanlar”komandasının üzvü Timur Vaynşteyndir. Tədbirdə tanınmış ziyalılar, ictimai xadimlər və bəstəkarın ailə üzvləri iştirak ediblər. Mərhum bəstəkarın yaxın dostları – TASS İnformasiya Agentliyinin baş direktorunun birinci müavini Mixail Qusman və kinorejissor, ictimai-siyasi xadim Yuli Qusman öz çıxışlarında Leonid Vaynşteynlə bağlı xatirələrini bölüşüblər. Aprelin 19-da Heydər Əliyev Sarayının səhnəsində bəstəkarın “Zoluşka” operasına dirijorluq edən Xalq artisti Yalçın Adıgözəlov məşhur nağıl əsasında bəstələnmiş bu operanın heç bir tamaşaçını laqeyd qoymadığını qeyd edib. Təqdimatın sonunda Timur Vaynşteyn tədbir iştirakçılarına təşəkkürünü bildirib və oxucular üçün kitabı imzalayıb.
20.04.2025
Aprelin 20-də Bakı Kitab Mərkəzində "Леонид Вайнштейн. Книга-память" adlı kitabın təqdimatı keçirilib. Kitab Azərbaycan bəstəkarı, pedaqoq, Əməkdar incəsənət xadimi Leonid Vaynşteynin xatirəsinə həsr olunub.
17.03.2025
Martın 17-də Bakı Kitab Mərkəzində Bakı şəhəri 3 nömrəli Uşaq-Gənclər İnkişaf Mərkəzinin iştirakı ilə Sağlamlıq imkanları məhdud uşaqlar üçün 3 nömrəli Respublika xüsusi internat məktəbinin və 4 nömrəli internat tipli xüsusi ümumtəhsil məktəbinin şagirdləri üçün Novruz bayramına həsr olunmuş xeyriyyə şənliyi keçirilib.
13.03.2025
Martın 13-də Bakı Kitab Mərkəzində Bakı şəhəri 2 nömrəli Uşaq-Gənclər İnkişaf Mərkəzinin (UGİM) iştirakı ilə 10 nömrəli sanatoriya tipli internat məktəbinin şagirdləri üçün Novruz bayramına həsr olunmuş xeyriyyə şənliyi keçirilib.
07.03.2025
Martın 7-də Bakı Kitab Mərkəzində 8 Mart Beynəlxalq Qadınlar Günü münasibətilə tədbir təşkil olunub. Poeziya və musiqinin birləşdiyi tədbirdə Qara Qarayev, Tofiq Quliyev, Vaqif Mustafazadə və digər Azərbaycan və Avropa bəstəkarlarının əsərləri səsləndirilib.
