Martın 13-də Bakı Kitab Mərkəzində Bakı şəhəri 2 nömrəli Uşaq-Gənclər İnkişaf Mərkəzinin (UGİM) iştirakı ilə 10 nömrəli sanatoriya tipli internat məktəbinin şagirdləri üçün Novruz bayramına həsr olunmuş xeyriyyə şənliyi keçirilib. Tədbir çərçivəsində Novruz bayramının adət-ənənələrini əks etdirən rəsm əsərlərindən ibarət sərgi, uşaqlar üçün ekskursiya, Oxu saatı və əl işləri dərnəyi təşkil olunub. Tamaşada UGİM-in gənc aktyorları Bahar qızı, Kosa, Keçəl, Tıq-Tıq xanım, Siçan bəy və digər personajları canlandırıb, Novruzun ab-havasını əks etdirən milli və dünya xalqlarının rəqslərini nümayiş etdirib. Sonda uşaqlara Baku Book Center və UGİM tərəfindən şirniyyat, suvenirlər, "Everest” nəşriyyat evindən isə kitablar paylanılıb. Tədbirdə RİİB-nin könüllüləri yaxından iştirak edib.