Bakı Kitab Mərkəzində keçirilən görüşlər, adətən, o qədər maraqlı olur ki, zamanın necə keçdiyini hiss etmək çətin gəlir. Maqsud İbrahimbəyov Yaradıcılıq Mərkəzinin direktoru, mərhum Xalq yazıçısı Maqsud İbrahimbəyovun həyat yoldaşı Anna İbrahimbəyova ilə bugünkü görüşümüz də istisna olmayıb.
Qonaqları Bakı Kitab Mərkəzinin direktoru Günel Rzayeva salamlayıb.
“Cult Baku" klubunun təsisçisi Nəzrin Mirzəyevanın təşəbbüsü və aparıcılığı ilə keçirilən görüş zamanı Anna İbrahimbəyova Maqsud İbrahimbəyovla olan sevgi hekayəsindən, uşaqlıq illərindən, valideynlərindən və Moskvadakı Modellər Evində işlədiyi dövrdən söz açıb. O, həmçinin foto sənətinə olan böyük sevgisini və Maqsud İbrahimbəyov Yaradıcılıq Mərkəzinin çoxşaxəli fəaliyyətini qonaqlarla bölüşüb.
Tədbir zamanı 1976-cı ilin modasına həsr olunmuş “Müsbət və mənfi cəhətlər” adlı sənədli film nümayiş olunub. Həmçinin, İbrahimbəyovlar ailəsinin şəxsi arxivindən nadir fotoşəkillər və Maqsud İbrahimbəyov Yaradıcılıq Mərkəzinin fəaliyyətinə dair hazırlanmış videoçarx izlənilib. Görüşün sonunda bütün qonaqlara Anna İbrahimbəyovanın foto işlərindən ibarət təqvimlər hədiyyə olunub.
17.12.2024
Dekabrın 17-də "Ukrayna Mədəniyyətinin Yeni Üfüqləri: Ədəbiyyat Günləri" layihəsi çərçivəsində Ukraynanın ölkəmizdəki səfirliyi və Azərbaycan Yazıçılar Birliyinin təşkilatçılığı ilə Bakı Kitab Mərkəzində Azərbaycan dilinə tərcümə olunmuş "O gözəl, yenilməz Ukrayna" adlı Ukrayna poeziyası antologiyasının və gənc yazıçı Mixaylo Husevin "Deraviya: Kvant Sıçrayışı" romanının təqdimatı keçirilib.
05.12.2024
Bakı Kitab Mərkəzində keçirilən görüşlər, adətən, o qədər maraqlı olur ki, zamanın necə keçdiyini hiss etmək çətin gəlir. Maqsud İbrahimbəyov Yaradıcılıq Mərkəzinin direktoru, mərhum Xalq yazıçısı Maqsud İbrahimbəyovun həyat yoldaşı Anna İbrahimbəyova ilə bugünkü görüşümüz də istisna olmayıb.
03.12.2024
Dekabrın 3-də Bakı Kitab Mərkəzində “Landau” məktəbinin Azərbaycan dili departamentinin rəhbəri Mehriban Mikayılovanın “Azərbaycan dili” vəsaitinin təqdimatı baş tutub. Vəsait “Landau School”un Tədris işləri üzrə baş icraçı direktoru Emil Leznikin rəhbərliyi ilə hazırlanıb.
28.11.2024
Noyabrın 28-də Bakı Kitab Mərkəzində “Dilarənin monoloqları” adlı kitabın təqdimatı keçirilib. Əsər teleaparıcı, Əməkdar artist Dilarə Əliyevanın əsasən “Söhbət var” verilişindəki stəndapları əsasında ssenarist və prodüser Fariz Əliyev tərəfindən qələmə alınıb.
