Noyabrın 28-də Bakı Kitab Mərkəzində “Dilarənin monoloqları” adlı kitabın təqdimatı keçirilib. Əsər teleaparıcı, Əməkdar artist Dilarə Əliyevanın əsasən “Söhbət var” verilişindəki stəndapları əsasında ssenarist və prodüser Fariz Əliyev tərəfindən qələmə alınıb. Kitabda müxtəlif mövzuları əhatə edən və səhnəmizin məşhur simalarının, həmçinin dünyadan köçən sənətkarların aforizmlərə çevrilə biləcək fikirləri yer alıb. Tədbirdə Xalq artistləri Zamiq Əliyev, Eyyub Yaqubov, Mehriban Zəki, Nəzakət Teymurova, Tünzalə Ağayeva, şairə Sevinc Çılğın, jurnalist və teleaparıcı İslam Qədirli və digər qonaqlar çıxış edib, D. Əliyevanın yaradıcılığının özünəməxsusluğundan söz açıblar. Tədbirin sonunda Dilarə Əliyeva qonaqlar üçün kitabı imzalayıb.
28.11.2024
Noyabrın 28-də Bakı Kitab Mərkəzində “Dilarənin monoloqları” adlı kitabın təqdimatı keçirilib. Əsər teleaparıcı, Əməkdar artist Dilarə Əliyevanın əsasən “Söhbət var” verilişindəki stəndapları əsasında ssenarist və prodüser Fariz Əliyev tərəfindən qələmə alınıb.
27.11.2024
Noyabrın 27-də Bakı Kitab Mərkəzində Azərbaycan Dövlət Mədəniyyət və İncəsənət Universitetinin Ədəbiyyat və dillər kafedrasının müdiri, filologiya üzrə elmlər doktoru Fəridə Səfiyevanın “İrəvan: Tarixi Həqiqətlər və Şəxsiyyətlər” adlı kitabının təqdimatı keçirilib.
21.11.2024
Bu gün COP29 konfransının BƏƏ-dən olan qonağı, "Mission Zero" kitabının həmmüəllifi Nahla Nabil Bakı Kitab Mərkəzində Bakı məktəbliləri ilə görüşərək, iqlim dəyişikliyi ilə bağlı maraqlı təqdimat keçirib və kitabını uşaqlara hədiyyə edib.
30.09.2024
Sentyabrın 30-da Bakı Kitab Mərkəzində BDU Hüquq fakültəsinin dekanı, hüquq üzrə fəlsəfə doktoru, dosent Zaur Əliyevin “Ulu Öndər Heydər Əliyev və hüquq elminin inkişafı” adlı kitabın təqdimatı keçirilib.
