Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib. Tədbirin artıq bir ənənəyə çevrildiyini qeyd edən Bakı Kitab Mərkəzinin direktoru Günel Rzayeva “Regional İnkişaf” İctimai Birliyinə (RİİB), 3 nömrəli Uşaq-Gənclər İnkişaf Mərkəzinin rəhbər və müəllimlərinə, eləcə də Coffeemood kafesinə şənliyin təşkilinə verdikləri dəstəyə görə təşəkkür edib. Tədbirdə Bakı şəhəri 3 nömrəli UGİM tərəfindən təşkil olunmuş “Xonçalı Novruz” adlı musiqili-əyləncəli proqram nümayiş etdirilib. Uşaqlar üçün, həmçinin “Nağıl saatı”, face art, nahar süfrəsi təşkil olunub. Baku Book Center-in adından uşaqlara hədiyyələr və şirin sovqat paylanılıb. Şənliyin təşkilində bizə dəstək göstərən bütün sadaladığımız təşkilatlara, o cümlədən “Aquavita” mineral su brendinə dərin təşəkkürümüzü bildiririk.
23.12.2024
Dekabrın 23-də Bakı Şəhər İcra Hakimiyyəti və Tarix İnstitutunun birgə layihəsi olan və Vətən müharibəsindən sonrakı dövrdə həyata keçirilən mühüm tarixi hadisələrə həsr edilən “Vətən müharibəsi tarixi. Azərbaycanın ərazi bütövlüyünün bərpası – Şəxsiyyət faktoru” adlı yeni kitabın təqdimatı keçirilib.
20.12.2024
Dekabrın 20-də Bakı Kitab Mərkəzində 3 nömrəli Uşaq-Gənclər İnkişaf Mərkəzi tərəfindən uşaqlar üçün “Yeni il möcüzəsi” adlı musiqili-əyləncəli tamaşa təşkil olunub.
18.12.2024
Dekabrın 18-də Bakı ş. “2 nömrəli Uşaq-Gənclər İnkişaf Mərkəzi” Publik Hüquqi Şəxsi və Bakı Kitab Mərkəzinin birgə təşkilatçılığı ilə “Yaşıl dünya naminə həmrəylik ili”nə həsr olunmuş “Təbiətin rəngləri və əllərin möcüzəsi” adlı tədbir keçirilib.
17.12.2024
Dekabrın 17-də "Ukrayna Mədəniyyətinin Yeni Üfüqləri: Ədəbiyyat Günləri" layihəsi çərçivəsində Ukraynanın ölkəmizdəki səfirliyi və Azərbaycan Yazıçılar Birliyinin təşkilatçılığı ilə Bakı Kitab Mərkəzində Azərbaycan dilinə tərcümə olunmuş "O gözəl, yenilməz Ukrayna" adlı Ukrayna poeziyası antologiyasının və gənc yazıçı Mixaylo Husevin "Deraviya: Kvant Sıçrayışı" romanının təqdimatı keçirilib.
