Şumerlər, finikiyalılar və digər qədim xalqlar sivilizasiyamıza nələr verib? Bakılıları ayrıca millət saymaq olarmı? Avesta dövrümüzə nə üçün tam şəkildə çatmayıb? Və nəhayət - müqəddəs, sirli ölkə Airyanem-Vaejah harada yerləşib və o, ümumiyyətlə, necə olub? İlk baxışdan bütün bu suallar tamamilə fərqlidir, lakin bugünkü mühazirənin müəllifi, məşhur bələdçi, filoloq Rəna Mirqasımova-Fel Bakı Kitab Mərkəzində keçirilən görüşdə onları birləşdirə bilib. Maraqlı mühazirə qonaqları sehrli bir aləmə - insanların xoşbəxt olduğu, təbiətlə harmoniyada yaşadığı, bütün iqlim qurşaqlarının təmsil olunduğu, ecazkar heyvanların və balıqların yaşadığı heyrətamiz bir ölkəyə səyahətə aparıb. Bu diyar Airyanem-Vaejah adlanır, bənzərsiz muğam sənətinin vətənidir, və firavanlığa məhkumdur. “Məlumdur ki, bu, mifik ölkədir, lakin mən ona və onun xoşbəxt taleyinə inandım”, - deyə müəllif qeyd edib. Mövzular nə qədər mürəkkəb olsa da, Rəna Mirqasımova-Fel onları qonaqlara sadə dildə, olduqca maraqlı təqdim edib.
19.04.2024
Aprelin 19-da Bakı Kitab Mərkəzində Heydər Əliyev Fondunun dəstəyi ilə “Azərbaycan İrəvanı” sənədli filminin nümayişi olub. Fortis Construction şirkətinin “Fortis Films” layihəsi çərçivəsində hazırlanan “Azərbaycan İrəvanı” sənədli filminin təqdimatında Azərbaycanın mədəniyyət, elm xadimləri, rəsmi şəxslər və digər qonaqlar iştirak ediblər.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
12.03.2024
Martın 12-də "Regional İnkişaf" İctimai Birliyi (RİİB) və Baku Book Center-in birgə təşkilatçılığı ilə Vətən müharibəsində qazanılan şanlı Qələbəyə və onun tarixinə həsr edilən "Vətən müharibəsi tarixi - Şəxsiyyət faktoru" kitabının çin dilindəki nəşrinin təqdimatı olub.
