Dekabrın 25-də Bakı Kitab Mərkəzində Təşəbbüslər və Layihələr Mərkəzi (TLM) və Bakı Kitab Mərkəzi tərəfindən hazırlanan “Heydər Əliyev haqqında” adlı kitabın və www.aboutheydaraliyev.com portalının təqdimatı keçirilib.Tədbiri Bakı Kitab Mərkəzinin direktoru Günel Rzayeva açaraq qeyd edib ki, “Heydər Əliyev haqqında” adlı kitabda dörd yüz nəfər nüfuzlu dünya liderinin, ictimai-siyasi xadimlərin, din, elm və mədəniyyət xadimlərinin Ulu öndər Heydər Əliyev haqqında sitat və kəlamları yer alıb. Təşəbbüslər və Layihələr Mərkəzinin (TLM) nümayəndəsi Aliyə Səfərova bildirib ki, layihə “Heydər Əliyev İli” çərçivəsində tədbirlər planına uyğun reallaşdırılıb. Dövlət xadimi, tarix elmləri doktoru Həsən Həsənov, Xalq yazıçısı Anar, Azərbaycan Respublikası Prezidentinin sabiq köməkçisi, Prezident Katibliyinin keçmiş rəisi Dilarə Seyidzadə iştirak edərək, Ulu öndərin ölkəmizin inkişafı naminə görülən misilsiz işlərin gənc nəslə çatdırılmasının vacibliyini qeyd ediblər. Tədbirdə piano müşayiəti ilə istedadlı vokalçıların ifasında "Ana", "Küçələrə su səpmişəm", "Alagöz" kimi mahnılar səsləndirilib.
02.05.2024
Mayın 2-də Bakı Kitab Mərkəzində Əməkdar incəsənət xadimi, Azərbaycan Dövlət Rəssamlıq Akademiyasının professoru Çingiz Fərzəliyevin “Əzim Əzimzadə” kitab-albomunun təqdimatı keçirilib. Təqdimatda Azərbaycanın tanınmış mədəniyyət və incəsənət xadimləri, xarici qonaqlar iştirak edib.
19.04.2024
Aprelin 19-da Bakı Kitab Mərkəzində Heydər Əliyev Fondunun dəstəyi ilə “Azərbaycan İrəvanı” sənədli filminin nümayişi olub. Fortis Construction şirkətinin “Fortis Films” layihəsi çərçivəsində hazırlanan “Azərbaycan İrəvanı” sənədli filminin təqdimatında Azərbaycanın mədəniyyət, elm xadimləri, rəsmi şəxslər və digər qonaqlar iştirak ediblər.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
