Noyabrın 22-də Bakı Kitab Mərkəzində məşhur özbək yazıçısı, publisisti və şairi İsmət Kuçiyevin «Триумф Азербайджана» (“Azərbaycanın zəfəri”) kitabının və «Триумф Гейдара Алиева» (“Heydər Əliyevin zəfəri”) poemasının təqdimatı keçirilib. Əməkdar artist Elşən Cəbrayılovun aparıcılığı ilə baş tutan tədbirdə Xalq yazıçısı Anar, MM deputatı, politoloq Elman Nəsirov, Xalq yazıçısı Elmira Axundova, Xalq artisti Fərhad Bədəlbəyli, tarixçi, publisist Şuxrat Barlas, yazıçı-publisist Şərəf Cəlili, Azərbaycanın Özbəkistandakı fövqəladə və səlahiyyətli səfiri Hüseyn Quliyev çıxış edib. Müəllifi təbrik edən qonaqlar ona yeni-yeni yaradıcılıq uğurları arzulayıb. Sonda müəllif tədbirin təşkilatçılarına və iştirakçılarına minnətdarlığını bildirib, kitablarını hədiyyə edib. Qeyd edək ki, İsmət Kuçiyevin 2022 - 2023-cü illərdə rus dilində yazılmış “Heydər Əliyevin zəfəri” adlı poeması Azərbaycan xalqının ümummilli lideri Heydər Əliyevin anadan olmasının 100-cü ildönümünə həsr olunub. 2023-cü ildə İsmət Kuçiyevin “Azərbaycanın zəfəri” adlı digər kitabı nəşr olunub. Bu kitabda yazıçı Azərbaycan Respublikasının Prezidenti İlham Əliyevin keçdiyi həyat yolunu və fəaliyyətini oxuculara təqdim edib.