Oktyabrın 30-da Bakı Kitab Mərkəzində Azərbaycan Respublikası Mədəniyyət Nazirliyinin dəstəyi və “İRƏLİ” İctimai Birliyinin təşkilatçılığı ilə Azərbaycan Yazıçılar Birliyinin sədri, xalq yazıçısı Anar ilə görüş keçirilib. Görüş Ümummilli lider Heydər Əliyevin anadan olmasının 100-cü ildönümünə həsr olunmuş “MədəniyyətimİZ” layihəsi çərçivəsində yazıçı-publisist Nadir Yalçının moderatorluğu ilə baş tutub. Görüşdə Xalq yazıçısı Anar geniş təqdimatla çıxış edib. Yazıçı Ümummilli lider Heydər Əliyevlə bağlı olan xatirələrindən, Azərbaycan ədəbiyyatının inkişafı kontekstində milli nümunələrin təbliği, yaradıcı sənayenin müasir tendensiyalardan söhbət açıb, auditoriyanın çoxsaylı suallarını cavablandırıb. Görüşün bədii hissəsində respublika və beynəlxalq müsabiqələr laureatları – pianoçu Vüsal Aydəmirov, vokalçı Aqşin Xudaverdiyevin ifalarında müxtəlif musiqi nümunələri təqdim olunub. Qeyd edək ki, "MədəniyyətimİZ" layihəsinin koordinatoru Riad Cəbrayılovdur.
02.05.2024
Mayın 2-də Bakı Kitab Mərkəzində Əməkdar incəsənət xadimi, Azərbaycan Dövlət Rəssamlıq Akademiyasının professoru Çingiz Fərzəliyevin “Əzim Əzimzadə” kitab-albomunun təqdimatı keçirilib. Təqdimatda Azərbaycanın tanınmış mədəniyyət və incəsənət xadimləri, xarici qonaqlar iştirak edib.
19.04.2024
Aprelin 19-da Bakı Kitab Mərkəzində Heydər Əliyev Fondunun dəstəyi ilə “Azərbaycan İrəvanı” sənədli filminin nümayişi olub. Fortis Construction şirkətinin “Fortis Films” layihəsi çərçivəsində hazırlanan “Azərbaycan İrəvanı” sənədli filminin təqdimatında Azərbaycanın mədəniyyət, elm xadimləri, rəsmi şəxslər və digər qonaqlar iştirak ediblər.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
