İyunun 21-də Bakı Kitab Mərkəzində Poeziya və Piano Gecəsi keçirilib. Xalq artistləri Ülviyyə Hacıbəyli və Mehriban Zəkinin iştirakı ilə baş tutan gecə Heydər Əliyev Fondunun dəstəyi ilə keçirilən 2-ci Bakı Beynəlxalq Piano Festivalı çərçivəsində təşkil olunub. Gecədə Qara Qarayev, Niyazi, Soltan Hacıbəyov, Emin Sabitoğlu, İsmayıl Hacıbəyov, Yohans Brams, Erik Satie və digər bəstəkarların əsərləri səslənib. Сanlı musiqi sədaları altında Mehriban Zəki Məhəmməd Füzuli, Vaqif Səmədoğlu, Nüsrət Kəsəmənli, Nigar Rəfibəyli, Ramiz Rövşən, Vaqif Bayatlı Odər və Rüstəm Behrudinin şeirlərini oxuyub. Piano musiqisi və lirik şeirlər Bakının yay axşamında tamaşaçılara özünəməxsus xoş bir ovqat bəxş edib.
02.05.2024
Mayın 2-də Bakı Kitab Mərkəzində Əməkdar incəsənət xadimi, Azərbaycan Dövlət Rəssamlıq Akademiyasının professoru Çingiz Fərzəliyevin “Əzim Əzimzadə” kitab-albomunun təqdimatı keçirilib. Təqdimatda Azərbaycanın tanınmış mədəniyyət və incəsənət xadimləri, xarici qonaqlar iştirak edib.
19.04.2024
Aprelin 19-da Bakı Kitab Mərkəzində Heydər Əliyev Fondunun dəstəyi ilə “Azərbaycan İrəvanı” sənədli filminin nümayişi olub. Fortis Construction şirkətinin “Fortis Films” layihəsi çərçivəsində hazırlanan “Azərbaycan İrəvanı” sənədli filminin təqdimatında Azərbaycanın mədəniyyət, elm xadimləri, rəsmi şəxslər və digər qonaqlar iştirak ediblər.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
