Martın 31-də Bakı Kitab Mərkəzində "Khojaly Scream” (“Xocalı harayı”) kitabının təqdimat mərasimi keçirilib. İngilis dilində nəşr olunan kitab tanınmış rəssam, animasiya rejissoru Nazim Məmmədovun Xocalı soyqırımına həsr etdiyi rəsmlərdən ibarətdir. Tədqiqatçı Fuad Axundov və şairə Ülviyyə Axundovanın aparıcılığı ilə keçən gecədə çıxış edən Əməkdar incəsənət xadimi, sənətşünaslıq üzrə fəlsəfə doktoru Ziyadxan Əliyev rəssamın yaradıcılığı haqqında danışarkən bildirib ki, “Xocalı harayı” silsiləsində N. Məmmədov Xocalı faciəsinin bütün dəhşətini əks etdirməyi bacarıb. Gecədə əməkdar artist, tarzən Sahib Paşazadə və pianoçu Səidə Tağı-zadə çıxış ediblər. Təqdimata toplaşanlar, həmçinin Nazim Məmmədovun rəsmlərindən ibarət sərgi ilə tanış olub. Sonda rəssamın oğlu və kitabın tərtibatçısı Dadaş Məmmədov təqdimat təşkilatçılarına və iştirakçılarına təşəkkürünü bildirib.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
12.03.2024
Martın 12-də "Regional İnkişaf" İctimai Birliyi (RİİB) və Baku Book Center-in birgə təşkilatçılığı ilə Vətən müharibəsində qazanılan şanlı Qələbəyə və onun tarixinə həsr edilən "Vətən müharibəsi tarixi - Şəxsiyyət faktoru" kitabının çin dilindəki nəşrinin təqdimatı olub.
16.02.2024
Fevralın 16-da Bakı Kitab Mərkəzində məşhur argentinalı yazıçı Luiza Valenzuelanın Azərbaycan dilinə tərcümə olunmuş “Başqa silahlar və digər siyasi hekayələr” (Cambio de armas y otros cuentos políticos) adlı kitabının təqdimat mərasimi keçirilib.
