Kitablar
Rumıniyanın Azərbaycandakı səfiri: “Yaşadığımız çətin dövrlərə baxmayaraq, mədəniyyət bizi birləşdirir”.
20.02.2023
Rumıniyanın Azərbaycandakı səfiri: “Yaşadığımız çətin dövrlərə baxmayaraq, mədəniyyət bizi birləşdirir”.

Fevralın 20-də Bakı Kitab Mərkəzində dahi rumın şairi Mixay Emineskunun Yazıçılar İttifaqı tərəfindən Azərbaycan dilində nəşr olunmuş “Dan ulduzu” şeirlər toplusunun təqdimatı oldu.
Kitaba Emineskunun seçilmiş şeirləri və şair Səlim Babullaoğlunun tərcüməsində “Dan ulduzu” poeması daxildir.
Rumıniyanın ölkəmizdəki səfiri Vasile Soare çıxışında bildirdi ki, Mixay Emineskunun zəngin irsi Rumıniya və Moldova xalqlarının misilsiz sərvəti sayılır. Cənab səfir qeyd etdi ki, yaşadığımız çətin dövrlərə baxmayaraq, mədəniyyət hamımızı birləşdirir.
Xalq yazıçısı Anar, şair Səlim Babullaoğlu və digər qonaqlar Emineskunun əsərlərinin Azərbaycan dilində nəşrinin ölkəmizin mədəni həyatında əlamətdar hadisə olduğunu qeyd etdilər. Ceyhun Əlinin aparıcılığı ilə keçən tədbirdə Emineskunun şeirləri, eləcə də beynəlxalq müsabiqələr laureatı Fəqan Həsənlinin ifasında piano əsərləri səsləndi.

 

 

Sizə necə kömək edə bilərik?