Kitablar
"Zərifə və Heydər Əliyevlər. Əbədi sevgi” kitabının təqdimatı keçirildi
27.12.2022

Dekabrın 27-də Bakı Kitab Mərkəzində xalq yazıçısı Elmira Axundovanın  "Zərifə və Heydər Əliyevlər. Əbədi sevgi” kitabının təqdimatı keçirilib. 
Kitabda ümummilli lider Heydər Əliyev ilə görkəmli oftalmoloq, akademik Zərifə xanım Əliyevanın böyük məhəbbəti və birlikdə keçdikləri həyat yolu, Zərifə xanımın zəngin həyat və yaradıcılıq fəaliyyəti təsvir edilib.
Tədbirdə xalq yazıçısı Anar, tarix elmləri doktoru Həsən Həsənov, MM deputatları Mixail Zabelin və Jalə Əliyeva, Əməkdar incəsənət xadimi Məhəbbət Mehdiyeva, musiqişünas Nigar Axundova, həkim Tamilla Axundova və əsərin müəllifi Elmira Axundova çıxış edərək, Zərifə xanım haqqında xatirələrini və kitab barədə düşüncələrini bölüşüb.
Çıxış edənlər qeyd edib ki, Zərifə xanım Əliyeva bu gün də onu tanıyanların qəlbində qayğıkеş, mehriban ana, sədaqətli ömür yoldaşı, istedadlı alim, bacarıqlı həkim, etibarlı dost, səmimi insan kimi yaşayır.
Ceyhun Əlinin aparıcılığı ilə keçən təqdimatda, həmçinin, xalq artisti Azər Zeynalovun və Beynəlxalq Müsabiqələr laureatı İslamə Abdullayevanın ifasında mahnılar səslənib. (Piano müşayiəti - Beynəlxalq və yerli müsabiqələrin laureatları Vüsal Aydəmirov, Müşfiq Quliyev). 
 

 

Sizə necə kömək edə bilərik?