Bu gün Bakı Kitab Mərkəzində “SÖZ” ədəbi layihəsi çərçivəsində gənc və istedadlı şairə Səidə Sübhinin “Somnambula” şeirlər toplusunun təqdimatı keçirilib. Kitabda Səidə Sübhinin müxtəlif illərdə yazılmış şeirləri yer alıb. Təqdimatda BKM-nin direktoru Günel Rzayeva, “SÖZ” ədəbi layihəsinin rəhbəri, şair Nigar Həsən-zadə, şair, tərcüməçi Alina Talıbova, xalq yazıçısı Çingiz Abdullayev, vokalçı-bəstəkar Qasım Xəlilov gənc şairənin yaradıcılığı haqqında xoş sözlər söyləyib. Sonda müəllif piano ifaçısı Vüsal Aydəmirovun musiqi müşayiəti ilə oxuculara şeirlərini oxuyub. Səidə Sübhi Azərbaycan Yazıçılar Birliyinin və “SÖZ” ədəbi layihəsinin üzvü, ədəbiyyat sahəsində bir çox beynəlxalq mükafatların laureatıdır.
19.04.2024
Aprelin 19-da Bakı Kitab Mərkəzində Heydər Əliyev Fondunun dəstəyi ilə “Azərbaycan İrəvanı” sənədli filminin nümayişi olub. Fortis Construction şirkətinin “Fortis Films” layihəsi çərçivəsində hazırlanan “Azərbaycan İrəvanı” sənədli filminin təqdimatında Azərbaycanın mədəniyyət, elm xadimləri, rəsmi şəxslər və digər qonaqlar iştirak ediblər.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
12.03.2024
Martın 12-də "Regional İnkişaf" İctimai Birliyi (RİİB) və Baku Book Center-in birgə təşkilatçılığı ilə Vətən müharibəsində qazanılan şanlı Qələbəyə və onun tarixinə həsr edilən "Vətən müharibəsi tarixi - Şəxsiyyət faktoru" kitabının çin dilindəki nəşrinin təqdimatı olub.
