Noyabrın 29-də Bakı Kitab Mərkəzində tibb elmləri doktoru, əməkdar həkim, “Referans Medical Group”-un professoru Kənan Yusif-zadənin “Tibbi terminlərin izahlı lüğəti” kitabının təqdimatı keçirilib. Akademik Əhliman Əmiraslanovun redaktəsi ilə işıq üzü görən nəhəng nəşrin təqdimat mərasimində ictimai xadimlər, tibb üzrə mütəxəssislər iştirak edib.
Təqdimatda akademik Əhliman Əmiraslanov, Səhiyyə nazirinin müavini Nadir Zeynalov, Nazirlər kabineti yanında Terminologiya komissiyasının sədr müavini, professor Sayalı Sadıqova, Azərbaycan Mühəndislik Akademiyasının vitse-prezidenti, akademik Əhəd Canəhmədov, “Referans Medical Group”un baş direktoru Hansiyar Babayev kitab haqqında fikirlərini bölüşüb.
Sonda müəllif əsərə verdikləri yüksək dəyərə görə tədbirin iştirakçılarına minnətdarlığını bildirib. Həkimlərin praktik işində rast gələn 30 minə yaxın söz və söz birləşməsini özündə ehtiva edən Tibbi terminlərin izahlı lüğətində həmçinin bir çox yeni tibbi və laborator terminlərin izahı da yer alıb.
20.12.2024
Dekabrın 20-də Bakı Kitab Mərkəzində 3 nömrəli Uşaq-Gənclər İnkişaf Mərkəzi tərəfindən uşaqlar üçün “Yeni il möcüzəsi” adlı musiqili-əyləncəli tamaşa təşkil olunub.
18.12.2024
Dekabrın 18-də Bakı ş. “2 nömrəli Uşaq-Gənclər İnkişaf Mərkəzi” Publik Hüquqi Şəxsi və Bakı Kitab Mərkəzinin birgə təşkilatçılığı ilə “Yaşıl dünya naminə həmrəylik ili”nə həsr olunmuş “Təbiətin rəngləri və əllərin möcüzəsi” adlı tədbir keçirilib.
17.12.2024
Dekabrın 17-də "Ukrayna Mədəniyyətinin Yeni Üfüqləri: Ədəbiyyat Günləri" layihəsi çərçivəsində Ukraynanın ölkəmizdəki səfirliyi və Azərbaycan Yazıçılar Birliyinin təşkilatçılığı ilə Bakı Kitab Mərkəzində Azərbaycan dilinə tərcümə olunmuş "O gözəl, yenilməz Ukrayna" adlı Ukrayna poeziyası antologiyasının və gənc yazıçı Mixaylo Husevin "Deraviya: Kvant Sıçrayışı" romanının təqdimatı keçirilib.
05.12.2024
Bakı Kitab Mərkəzində keçirilən görüşlər, adətən, o qədər maraqlı olur ki, zamanın necə keçdiyini hiss etmək çətin gəlir. Maqsud İbrahimbəyov Yaradıcılıq Mərkəzinin direktoru, mərhum Xalq yazıçısı Maqsud İbrahimbəyovun həyat yoldaşı Anna İbrahimbəyova ilə bugünkü görüşümüz də istisna olmayıb.
