Noyabrın 11-də İsveçrənin Bazel şəhərində fəaliyyət göstərən “Azərbaycanın Dostları” Birliyinin təşəbbüsü ilə Mərkəzimizdə Azərbaycan dilinə tərcümə olunmuş dünya klassiki, İsveçrə yazarı Robert Valserin “Gəzinti” kitabının təqdimatını keçirildi.  
“Gəzinti” Robert Valserin ən məşhur əsərlərindən biridir. 1917-ci ildə kiçik bir İsveçrə nəşriyyatında çapdan çıxmış bu kitab bu gün bütün dünyada oxunur. 
Təqdimatda çıxış edən Bakı Kitab Mərkəzinin direktoru Günel Rzayeva, "Azərbaycanın Dostları" Birliyinin sədri Arzu Əliyeva, "Alatoran" nəşriyyatının direktoru, şair Rasim Qaraca İsveçrə və Azərbaycan arasında mədəni sahədə təşkil olunan tədbirlərin xüsusi vacibliyini vurğuladılar. 
Xüsusi qonağımız, Bern şəhərində fəaliyyət göstərən “Robert Valser Mərkəzi”nin rəhbəri Reto Sorq yazıçının mürəkkəb həyat yolu və yazıçının yaradıcılığı ilə tədbir iştirakçılarını tanış etdi və onların suallarını cavablandırdı.