İyunun 23-də Bakı Kitab Mərkəzində “Uzaq yaxın bizimkilər” layihəsi çərçivəsində tanınmış teatr və kino aktyoru, Azərbaycanın və Rusiyanın Əməkdar artisti Timur Bədəlbəylinin yaradıcılıq gecəsi keçirilib. Teleaparıcı və ssenarist Ceyhun Əli tədbiri açaraq, T. Bədəlbəylini qonaqlara təqdim edib. Görüşdə tanınmış aktyor müxtəlif əsərlərdən parçalar oxuyub, həmçinin V.Vısotskinin, B.Okudjavanın və digər müəlliflərin mahnılarını ifa edib. Qeyd edək ki, Timur Bədəlbəyli B. Şukin adına Moskva Ali Teatr Məktəbinin məzunudur. Təhsilini bitirdikdən sonra Taqanka Teatrının truppasına dəvət olunan T. Bədəlbəyli tez bir zamanda həmin teatrın aparıcı aktyorlarının birinə çevrilib. O, “Əlvida, cənub şəhəri” filmindəki roluna görə “Şərq-Qərb” Beynəlxalq Film Festivalının (2006) və Batumi Beynəlxalq Arthaus Filmləri Festivalının (2007) mükafatlarına layiq görülüb. T. Bədəlbəyli, həmçinin, Yuri Lyubimov adına Teatr Sənətinin İnkişafı üzrə Xeyriyyə Fonduna rəhbərlik edir.
19.04.2024
Aprelin 19-da Bakı Kitab Mərkəzində Heydər Əliyev Fondunun dəstəyi ilə “Azərbaycan İrəvanı” sənədli filminin nümayişi olub. Fortis Construction şirkətinin “Fortis Films” layihəsi çərçivəsində hazırlanan “Azərbaycan İrəvanı” sənədli filminin təqdimatında Azərbaycanın mədəniyyət, elm xadimləri, rəsmi şəxslər və digər qonaqlar iştirak ediblər.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
12.03.2024
Martın 12-də "Regional İnkişaf" İctimai Birliyi (RİİB) və Baku Book Center-in birgə təşkilatçılığı ilə Vətən müharibəsində qazanılan şanlı Qələbəyə və onun tarixinə həsr edilən "Vətən müharibəsi tarixi - Şəxsiyyət faktoru" kitabının çin dilindəki nəşrinin təqdimatı olub.
