Kitablar
Şəhid leytenant Murad Nağıyev haqqında kitabın təqdimatı keçirilib
14.06.2022
Şəhid leytenant Murad Nağıyev haqqında kitabın təqdimatı keçirilib

İyunun 14-də Bakı Kitab Mərkəzində qəhrəman tank komandiri, şəhid leytenant, şair Murad Nağıyevə həsr olunmuş “Murad” kitabının təqdimatı keçirildi. Tədbir Firidun bəy Köçərli adına Respublika Uşaq Kitabxanasının təşkilatçılığı ilə baş tutdu. Təqdimatın əvvəlində şəhidlərin əziz xatirəsi 1 dəqiqəlik sükutla yad edildi.Tədbirdə kitabın redaktoru İbrahim İlyaslı, şəhid M. Nağıyevin təhsil aldığı 271 saylı orta məktəbinin direktor müavini Rüxsarə Əlizadə, döyüş yoldaşı, baş leytenant Namiq Səfərov, aktyor, dramaturq, aktyor Kamran Ağabalayev, F. Köçərli adına Respublika Uşaq Kitabxanasının direktoru Şəhla Qəmbərova, BKM-nin direktoru Günel Anarqızı,  şəhidin ailə üzvləri çıxış edərək, Murad Nağıyev haqqında xatirələrini bölüşdülər və kitab haqqında məlumat verdilər.  
Ağdam muğam məktəbinin şagirdlərinin ifasında “Qarabağ şikəstəsi”, “Xudayar təsnifi” səsləndi. Həmçinin F. Köçərli adına Respublika Uşaq Kitabxanasının əməkdaşlarının ifasında şəhid M. Nağıyevin qələmə aldığı və “Murad” kitabına daxil olunmuş şeirləri dinlənildi. 
Qeyd edək ki, kitabda 44 günlük Vətən müharibəsində misilsiz qəhrəmanlıq göstərən leytenant Murad Nağıyevin keçdiyi həyat və döyüş yolundan bəhs edilir. Kitaba, həmçinin, Murad Nağıyevin şeirləri, xüsusilə də cəbhədə olarkən qələmə aldığı sətirləri daxil edilmişdir.

 

Sizə necə kömək edə bilərik?