Kitablar
Tibbi lüğətin təqdimatı keçirilib
26.05.2022
Tibbi lüğətin təqdimatı keçirilib

Mayın 26-da Bakı Kitab Mərkəzində tibb elmləri doktoru, professor Çingiz Rəhimovun “Stomatoloji izahlı tibbi lüğət” kitabının təqdimatı keçirilib. Tədbirdə səhiyyə ictimaiyyətinin nümayəndələri, millət vəkilləri, tibb sahəsi üzrə mütəxəssislər iştirak etdi. 

Azərbaycan Tibb Universitetinin rektoru, Prof. Gəray Gəraybəyli, ATU-nin rektoru yanında İctimai Nəzarət və Məsləhət Şurasının sədri, millət vəkili İlham Məmmədov, Şuranın sədr müavini Aidə Bəndəliyeva çıxış edərək, nəşrin əhəmiyyəti ilə bağlı fikirlərini bölüşdülər, lüğətin tibb sahəsində çalışanlar üçün çox faydalı olacağını vurğuladılar. 

Tədbirin sonunda çıxış edən müəllif kitabın tərtibatında ortaya çıxan problemlər barədə danışdı, nəşrin ərsəyə gəlməsində ona dəstək olan hər kəsə təşəkkürünü bildirdi. 

Qeyd edək ki, Prof. Çingiz Rəhimovun iki cildli lüğəti nəzəri və praktiki sahələrdə çalışan stomatoloqların işlədiyi 35000 yaxın söz və söz birləşmələrindən ibarətdir. İngilis dilindən Azərbaycan və rus dillərinə lüğət diş həkimləri, qonşu ixtisas həkimləri, tərcüməçilər, elm işçiləri üçün nəzərdə tutulmuşdur.

 

Sizə necə kömək edə bilərik?