Kitablar
Bakı Kitab Mərkəzində tarixçi Azər Ziyadlının “Ovuc içində ulduzlar” adlı kitabının təqdimatı keçirilib
28.04.2022
Bakı Kitab Mərkəzində tarixçi Azər Ziyadlının “Ovuc içində ulduzlar” adlı kitabının təqdimatı keçirilib

Aprelin 28-də Bakı Kitab Mərkəzinin “Uzaq yaxın bizimkilər” layihəsi çərçivəsində tarixçi, dilçi alim Azər Ziyadlının "Звезды на ладонях"  (“Ovuc içində ulduzlar”) tarixi romanının təqdimatı keçirilib. Kitabdakı hadisələr eramızdan əvvəl IV əsrdə cərəyan edir və Atropatena dövlətinin və onun yaradıcısı Atropatdan bəhs edir.
Əsərinin yaranmasından danışan Azər Ziyadlı qeyd edib ki, romandakı bir çox personajların tarixi şəxsiyyətlər olmasına və süjet xəttinin real hadisələrə əsaslanmasına baxmayaraq, “Ovuc içində ulduzlar” kitabı elmi əsər deyil, ilk növbədə romandır.
Kitab haqqında fikirlərini bildirən tarix elmləri doktoru Həsən Həsənov qeyd edib ki, A. Ziyadlının bu kitabı gənclərin Azərbaycanın tarixi keçmişinə marağının artırılması baxımından çox əhəmiyyətlidir. Daha sonra çıxış edən yazıçı Samit Əliyev Ə. Ziyadlının əsərini yüksək qiymətləndirib. Sonda müəllif oxucuların suallarını cavablandırıb və onlar üçün kitabını imzalayıb.
Qeyd edək ki, “Ovuc içində ulduzlar”  kitabının satışından əldə edilən vəsait Qarabağ müharibəsi veteranları və şəhid ailələrinə yönəldiləcək.

 

Sizə necə kömək edə bilərik?