Aprelin 27-də Bakı Kitab Mərkəzində “Uzaq yaxın bizimkilər” layihəsi çərçivəsində Rusiyada yaşayan həmvətənimiz, rəssam Aslan Əhmədovun “Keçmiş gələcək” art-layihəsinin təqdimatı olub. Layihə rəssamın uşaqlıq və gənclik illərinin ən parlaq, ən səmimi və dəyərli xatirələrini özündə cəmləşdirir.
A.Əhmədovu təqdim edən Bakı Kitab Mərkəzinin direktoru Günel Anarqızı qeyd edib ki, “Uzaq yaxın bizimkilər” adlı yeni layihə Azərbaycanlıları xaricdə yaşayan həmvətənlərimizin yaradıcılığı və fəaliyyəti ilə tanış etmək üçün nəzərdə tutulub.
Təqdimatda A. Əhmədov rəsm əsərləri üzərində iş prosesini əks etdirən qısa videoçarxlar təqdim edib. Hər bir videoçarx onu müəyyən bir əsər yaratmağa sövq edən bir hekayə ilə müşayiət olunub. Layihə haqqında danışan A.Əhmədov qeyd edib ki, təqdim olunan on rəsm əsərinin hər biri onun uşaqlıq illərindən, həyatında mühüm rol oynayan və taleyini müəyyən edən insanlardan bəhs edir. Təqdimat tamaşaçılar tərəfindən böyük maraqla qarşılanıb.
19.04.2024
Aprelin 19-da Bakı Kitab Mərkəzində Heydər Əliyev Fondunun dəstəyi ilə “Azərbaycan İrəvanı” sənədli filminin nümayişi olub. Fortis Construction şirkətinin “Fortis Films” layihəsi çərçivəsində hazırlanan “Azərbaycan İrəvanı” sənədli filminin təqdimatında Azərbaycanın mədəniyyət, elm xadimləri, rəsmi şəxslər və digər qonaqlar iştirak ediblər.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
12.03.2024
Martın 12-də "Regional İnkişaf" İctimai Birliyi (RİİB) və Baku Book Center-in birgə təşkilatçılığı ilə Vətən müharibəsində qazanılan şanlı Qələbəyə və onun tarixinə həsr edilən "Vətən müharibəsi tarixi - Şəxsiyyət faktoru" kitabının çin dilindəki nəşrinin təqdimatı olub.
