Aprelin 13-də Bakı Kitab Mərkəzində “Qədim Şuşa” adlı rəsm sərgisinin açılışı olub. Sərgi Təhsil Nazirliyinin 2 nömrəli Uşaq-Gənclər İnkişaf Mərkəzinin təşkilatçılığı və Nyu-Yorkda fəaliyyət göstərən “My Way” Uşaq-Gənclər Yaradıcılıq Mərkəzinin birgə əməkdaşlığı ilə hazırlanıb. Üç gün ziyarətçilər üçün açıq olacaq sərgidə 14 əsər nümayiş olunur. Gənc rəssamlar yaratdıqları əsərlərdə Şuşanın təkrarolunmaz mənzərələrini, tarixi abidələrini əks etdirib.
2 nömrəli Uşaq-Gənclər İnkişaf Mərkəzinin direktoru Əminə Musayeva, “My Way” Uşaq-Gənclər Yaradıcılıq Mərkəzinin direktoru Alyona Bədəlova, BKM-nin direktoru Günel Rzayeva, Xətai rayon YAP təşkilatının sədri Vüqar Rəhimzadə, xalq rəssamı Ağaəli İbrahimov, “Hyuston-Bakı” Qardaşlaşmış Şəhərlər Assosiyasıyanın sədri İradə Axundova çıxış edərək sərgi haqqında təəssüratlarını bölüşüb və qeyd ediblər ki, gənc rəssamların yaratdıqları əsərlərin hər bir Şuşanın gözəlliyinin təqdimatıdır. Sonda sərgi iştirakçıları diplomlarla təltif olunub.
19.04.2024
Aprelin 19-da Bakı Kitab Mərkəzində Heydər Əliyev Fondunun dəstəyi ilə “Azərbaycan İrəvanı” sənədli filminin nümayişi olub. Fortis Construction şirkətinin “Fortis Films” layihəsi çərçivəsində hazırlanan “Azərbaycan İrəvanı” sənədli filminin təqdimatında Azərbaycanın mədəniyyət, elm xadimləri, rəsmi şəxslər və digər qonaqlar iştirak ediblər.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
12.03.2024
Martın 12-də "Regional İnkişaf" İctimai Birliyi (RİİB) və Baku Book Center-in birgə təşkilatçılığı ilə Vətən müharibəsində qazanılan şanlı Qələbəyə və onun tarixinə həsr edilən "Vətən müharibəsi tarixi - Şəxsiyyət faktoru" kitabının çin dilindəki nəşrinin təqdimatı olub.
