Martın 31-də Bakı Kitab Mərkəzində fəlsəfə üzrə fəlsəfə doktoru Adəm İsmayıl Bakuvinin “Məhşər Divanı: Yalanın 17 anı” sənədli romanının təqdimatı keçirilib. Tədbir Azərbaycanlıların Soyqırımı Gününə həsr olunmuş videoçarxın nümayişi ilə başlayıb. Millət vəkillərinin və tanınmış icrtimai xadimlərinin iştirak etdiyi təqdimata professor Qulu Məhərrəmli aparıcılıq edib. Tədbirdə çıxış edən millət vəkilləri Fazil Mustafayev və Ziyad Səmədzadə, Xalq yazıçısı Çingiz Abdullayev, tarix elmləri doktoru Kərim Şükürov, hüquq müdafiəçisi Novella Cəfəroğlu, yazıçı Varis Yolçuyev təqdim olunan kitabın ədəbi - bədii məziyyətləri haqqında söz açaraq, onun tariximizi öyrənmək baxımından əhəmiyyətini qeyd ediblər. Sonda müəllif tədbirin iştirakçılarına təşəkkür edib qonaqlar üçün  kitabını imzalayıb. Qeyd edək ki, maraqlı süjet xətti olan sənədli roman real tarixi hadisələrdən və müəyyən şəxslərin utopik məhkəməsindən bəhs edir. Geniş oxucu kütləsi üçün nəzərdə tutulan kitabda həm də çoxsaylı ensiklopedik məlumatlar yer alıb.