Bu gün Mərkəzimizdə Rumıniya səfirliyinin təşkilatçılığı ilə rumın musiqisi və poeziyası gecəsi keçirilib. Gecədə Azərbaycan Dillər Universitetinin tələbələri, ziyalılar, Rumıniya səfirliyinin əməkdaşları iştirak edib. Bahar günü və “Mertsişor” bayramına həsr olunmuş tədbirdə Bakı Kitab Mərkəzinin direktoru Günel Rzayeva, Rumıniyanın Azərbaycandakı səfiri Vasili Soare, xalq yazıçısı Anar çıxış edərək, iki dövlət arasında mədəni əlaqələrdən danışıb. Şair Səlim Babullaoğlu və tərcüməçi Jalə İsmayıl rumın ədəbiyyatının klassiki, görkəmli şair Mihay Emineskunun Azərbaycan dilində şeirlərini oxuyub. Məşhur musiqiçi Mihay Napunın canlı ifası tədbir iştirakçıları tərəfindən böyük maraq və alqışlarla qarşılanıb.
21.11.2024
Bu gün COP29 konfransının BƏƏ-dən olan qonağı, "Mission Zero" kitabının həmmüəllifi Nahla Nabil Bakı Kitab Mərkəzində Bakı məktəbliləri ilə görüşərək, iqlim dəyişikliyi ilə bağlı maraqlı təqdimat keçirib və kitabını uşaqlara hədiyyə edib.
30.09.2024
Sentyabrın 30-da Bakı Kitab Mərkəzində BDU Hüquq fakültəsinin dekanı, hüquq üzrə fəlsəfə doktoru, dosent Zaur Əliyevin “Ulu Öndər Heydər Əliyev və hüquq elminin inkişafı” adlı kitabın təqdimatı keçirilib.
23.09.2024
Sentyabrın 23-də Bakı Kitab Mərkəzində görkəmli pianoçu, pedaqoq və Əməkdar incəsənət xadimi Elmira Səfərovanın anadan olmasının 90-cı ildönümünə həsr olunmuş xatirə axşamı keçirilib.
20.09.2024
Sentyabrın 20-də Bakı Kitab Mərkəzində “A grammar of contemporary Azerbaijani” (“Müasir Azərbaycan dilinin qrammatikası”) adlı dərs vəsaitinin təqdimatı keçirilib.
