Fevralın 17-də Bakı Kitab Mərkəzində Gənclər Fondunun dəstəyi ilə gənc yazıçı Abdulla Səfinin “Mərmidən xatirələr” kitabının təqdimatı keçirilib. Tədbir “Böyük Qayıdış” Gənclər Təşkilatı tərəfindən hazırlanıb. Təqdimatda təşkilatın idarə heyətinin üzvləri, gənclər, Vətən müharibəsi qaziləri, ictimaiyyət nümayəndələri iştirak edib. Müəllif iştirakçılara 44 günlük Vətən müharibəsi qazilərindən bəhs edən “Mərmidən xatirələr” kitabının yaranma tarixindən məlumat verib.
“Böyük Qayıdış” Gənclər Təşkilatının icraçı direktoru Nail Şükürov bildirib ki, təşkilatın əsas fəaliyyət istiqamətlərindən biri Vətən müharibəsi qəhrəmanlarının, şəhid və qazilərimizin cəmiyyətdə, xüsusilə də gənclər arasında tanıdılması, şanlı Zəfər tarixinin təbliğ edilməsidir.
Təqdimat zamanı gənclər əsərin qəhrəmanlarından bəziləri ilə tanış olub, döyüş xatirələrini dinləyib, onlara və müəllifə suallar ünvanlayıblar. Tədbirin sonunda yazıçı kitabsevərlər üçün kitabını imzalayaraq hədiyyə edib.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
12.03.2024
Martın 12-də "Regional İnkişaf" İctimai Birliyi (RİİB) və Baku Book Center-in birgə təşkilatçılığı ilə Vətən müharibəsində qazanılan şanlı Qələbəyə və onun tarixinə həsr edilən "Vətən müharibəsi tarixi - Şəxsiyyət faktoru" kitabının çin dilindəki nəşrinin təqdimatı olub.
16.02.2024
Fevralın 16-da Bakı Kitab Mərkəzində məşhur argentinalı yazıçı Luiza Valenzuelanın Azərbaycan dilinə tərcümə olunmuş “Başqa silahlar və digər siyasi hekayələr” (Cambio de armas y otros cuentos políticos) adlı kitabının təqdimat mərasimi keçirilib.
