Yanvarın 26-da Bakı Kitab Mərkəzində XX əsrin görkəmli şairi, 1987-ci ilin Ədəbiyyat üzrə Nobel mükafatçısı İosif Brodskinin yaradıcılığına həsr olunmuş poeziya gecəsi keçirilib. Tədbir "İrana Qasımova ilə şeir klassikası" layihəsi çərçivəsində baş tutub. Gecədə İosif Brodskinin ən məşhur şeirlərini vokalçı-bəstəkar, pedaqoq Qasım Xəlilov, aktrisa və aparıcı Natella Kərimova, habelə müasir şairlər və layihənin daimi iştirakçıları – Leyli Salayeva, Cavid Osmanov, Hacı Həşimov, Leyla Qurbanova, Arzu Məmmədova və başqaları səsləndirib.
Xatırladaq ki, layihə 2019-cu il, iyunun 25-də Aleksandr Puşkinin yaradıcılığına həsr olunmuş axşamla başlamışdır.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
12.03.2024
Martın 12-də "Regional İnkişaf" İctimai Birliyi (RİİB) və Baku Book Center-in birgə təşkilatçılığı ilə Vətən müharibəsində qazanılan şanlı Qələbəyə və onun tarixinə həsr edilən "Vətən müharibəsi tarixi - Şəxsiyyət faktoru" kitabının çin dilindəki nəşrinin təqdimatı olub.
16.02.2024
Fevralın 16-da Bakı Kitab Mərkəzində məşhur argentinalı yazıçı Luiza Valenzuelanın Azərbaycan dilinə tərcümə olunmuş “Başqa silahlar və digər siyasi hekayələr” (Cambio de armas y otros cuentos políticos) adlı kitabının təqdimat mərasimi keçirilib.
