Kitablar
Bakı Kitab Mərkəzində fotopoeziya gecəsi
24.12.2021
Bakı Kitab Mərkəzində fotopoeziya gecəsi

Dekabrın 24-də Bakı Kitab Mərkəzində Fotopoeziya gecəsi keçirilib. Gecədə müasir şairlərimiz piano müşayiəti ilə Azərbaycan və xarici şairlərin, ədəbi mühitə yeni ab-hava gətirən istedadlı sənətkarların əsərlərini səsləndirdilər. Əməkdar artist Oleq Əmirbəyovun aparıcılığı ilə keçirilən gecədə müxtəlif müəlliflərə məxsus olan foto şəkillərdən ibarət video çarx nümayiş olundu. Gecədə Xalq artisti Lyudmila Duxovnaya, aktyor Yaroslav Trifonov, şairlər Şahrun Süleymanova, Cavid İmamverdiyev, Nailə Balakişiyeva, Səidə Sübhi, Zəhra Bədəlbəyli, Ülviyyə Axundova, Adilə Əfəndi, Ətiqə Əliyeva, Sahib Məmmədov dünya klassiklərindən seçmələr və eyni zamanda öz şeirlərini ifa etdilər. Şairləri pianoda Beynəlxalq müsabiqələr laureatı Vüsal Aydəmirov məharətlə müşayiət etdi. Sonda İkinci Qarabağ müharibəsinin veteranı, opera müğənnisi Atəş Qarayev “Azərbaycan” mahnısını, Beynəlxalq müsabiqələr layreatı Səidə Tağızadənin müşayiəti ilə ifa etdi.  Qeyd edək ki, tədbirin ideyası və programı Baku Book Center tərəfindən çap olunmuş 2022 ilin təqvimindən ilhamlanaraq yaranmışdır.  Təqvimə Maqsud İbrahimbəyov Yaradıcılıq Mərkəzinin direktoru, sənətşünas Anna İbrahimbəyova tərəfindən çəkilmiş foto şəkillər və şairə Leyla Bəyimin üç misralı şeirləri daxil edilib.

 

Sizə necə kömək edə bilərik?