Dekabrın 23-də Bakı Kitab Mərkəzində “Art Fest Nizami” festivalı çərçivəsində uşaqlar arasında təşkil olunmuş rəsm sərgisi keçirilib. Sərgidə Nizami Gəncəvinin poemaları əsasında yaradılmış 20-dən çox rəsm əsəri nümayiş olunub. Əsərlərin müəllifləri - “Arts Council Azerbaijan” təşkilatının nəzdində fəaliyyət göstərən “Arts School” incəsənət məktəbinin və Fikrət Əmirov adına 6 nömrəli incəsənət məktəbinin şagirdləridir. Sərgi çərçivəsində şagirdlər dünya klassiklərinin musiqi əsərlərini ifa edib. Musiqili proqram “Simurq” musiqi festivalı tərəfindən dəstəklənib.
Tədbirin sonunda az yaşlı rəssamlar hədiyyələr və diplomlar ilə təltif olunub. Qeyd edək ki, Nizami Gəncəvi ili çərçivəsində “Art Fest Nizami” festivalına bu ilin Mart ayında start verilib.
15.04.2024
Aprelin 15-də Bakı Kitab Mərkəzində Dövlət İmtahan Mərkəzi (DİM) tərəfindən hazırlanmış "Azərbaycan dili bacarıqları üzrə səviyyələrə dair tələblər” adlı Azərbaycan dili üzrə Sertifikasiya imtahanı (ADSİ) üçün metodik vəsaitin təqdimatı keçirilib.
18.03.2024
Martın 18-də Baku Book Center Sağlamlıq imkanları məhdud uşaqlar üçün 3 №-li Respublika Xüsusi internat məktəbi və 10 nömrəli sanatoriya tipli internat məktəbinin şagirdləri üçün Novruz şənliyi təşkil edib.
12.03.2024
Martın 12-də "Regional İnkişaf" İctimai Birliyi (RİİB) və Baku Book Center-in birgə təşkilatçılığı ilə Vətən müharibəsində qazanılan şanlı Qələbəyə və onun tarixinə həsr edilən "Vətən müharibəsi tarixi - Şəxsiyyət faktoru" kitabının çin dilindəki nəşrinin təqdimatı olub.
16.02.2024
Fevralın 16-da Bakı Kitab Mərkəzində məşhur argentinalı yazıçı Luiza Valenzuelanın Azərbaycan dilinə tərcümə olunmuş “Başqa silahlar və digər siyasi hekayələr” (Cambio de armas y otros cuentos políticos) adlı kitabının təqdimat mərasimi keçirilib.
