Dekabrın 3-da "Azİz" İsrail-Azərbaycan Beynəlxalq Assosiasiyasının təşkilati dəstəyi ilə Mərkəzimizdə Məhərrəm Zülfüqarlının “Generalın sirli taleyi” kitabının təqdimatı keçirildi.
General-mayor Məmməd Bağır Bağırovun 120 illik yubileyinə, Azərbaycanın tarixi qələbəsinə və Azərbaycan  Respublikasının  müstəqilliyinin  bərpasının 30 illiyinə həsr olunan kitabda İkinci Dünya Müharibəsi illərində Bakı Hərbi Dairəsinin Hava Hücumundan Müdafiə Qərargahının rəisi, general-mayor Məmməd Bağır Bağırovun həyat və fəaliyyətindən bəhs edilir. 
Təqdimat mərasimində Azİz-in nəzdində fəaliyyət göstərən Azərbaycan Mədəniyyət Mərkəzinin rəhbəri Yeganə Salman, tarix üzrə elmlər doktoru Məhərrəm Zülfüqarlı, xalq yazıçısı Çingiz Abdullayev, Azərbaycan Turizm və Menecment Universitetinin beynəlxalq əlaqələr şöbəsinin rəhbəri Orxan Musa, Hərb Tarixi Muzeyinin rəhbəri Əzizağa Qənizadə, professor Asif Hacıyev, generalın ailə üzvləri çıxış ediblər. Kitabın satışından əldə olunan gəlir şəhid ailələri və müharibə əlillərinin təminatı üçün "YAŞAT" Fonduna ianə ediləcək.