"Bilinən və bilinməyən məfhumlar var və onların arasında görünməyən qapılar var." Bu sözlər məşhur amerikalı şair və musiqiçi, “The Doors” qrupunun lideri Сim Morrisona məxsusdur.
Hər gün biz yeni-yeni qapıları açaraq həyat yolumuzla irəliləyirik, sonra yeni qapılarla rastlaşır və  seçimlərlə üz-üzə qalırıq. Qapılar müxtəlifdir, aralarında sevgi, sevinc, hörmət, mərhəmət, ləyaqət, xeyirxahlıq və nifrət qapılarıyla yanaşı, paxıllıq, xəyanət, riyakarlıq, xəsislik və qəzəb qapıları da var. Qapılar bəzən sədlər yaradır, bəzənsə körpülər salır.
Sentyabrın 17-də Bakı Kitab Mərkəzində təqdimatı keçirilən kitab da məhz "Qapılar" adlanır. 
Müəllif, uşaq yazıçısı Lalə Məlik, kitabını həyatın müxtəlifliyində yol tapmağın, bu yoldan çıxmamağın, xeyirxah olmağın, bizi əhatə edən hər şeyə ləyaqət və sevgiylə yanaşmağın vacibliyini anladan bir hekayə kimi xarakterizə edir. Kitab üçün gözəl illüstrasiyalar istedadlı rəssam İrina Eldarova tərəfindən yaradılmışdır.