Kitablar
Bakı Kitab Mərkəzində “Muradın nağılları” kitabının təqdimatı keçirilib
07.07.2021
Bakı Kitab Mərkəzində “Muradın nağılları” kitabının təqdimatı keçirilib

İyulun 7-də Bakı Kitab Mərkəzində Xalq yazıçısı Anarın  “Muradın nağılları” kitabının təqdimat mərasimi keçirilib.
Təqdimatda Xalq rəssamı Arif Hüseynovun kitab üçün yaratdığı rəsm əsərlərindən ibarət sərgi də nümayiş olunub. Rəssam Arif Hüseynovun kitab üçün çəkdiyi gözəl illüstrasiyalar uşaqları sehrli nağıl dünyasına aparır.
Bakı şəhəri 3 nömrəli Uşaq-Gənclər İnkişaf Mərkəzinin nəzdində fəaliyyət göstərən “Çiçəyim” uşaq teatrının gənc aktyorları maraqlı proqramla çıxış edib. Onların ifasında kitabdan parçalar səhnəşdirilib. 
"Muradın nağılları" məktəbəqədər yaşda uşaqlar üçün gözəl bir uşaq ədəbiyyatı nümunəsidir.  Burada Anarın yeni yazılmış mətnləri ilə yanaşı, uzun illər öncə qələmə alınmış hekayələri və ötən əsrin 60-cı illərində uşaqlar üçün yazdığı "Yuxum qaçıb" adlı radiopyesi da yer alıb.

 

Sizə necə kömək edə bilərik?