Kitablar
Respublika Günü və Beynəlxalq Uşaq Müdafiəsi Gününə həsr olunmuş sərginin açılışı oldu
27.05.2021
Respublika Günü və Beynəlxalq Uşaq Müdafiəsi Gününə həsr olunmuş sərginin açılışı oldu

Mayın 27-də Bakı Kitab Mərkəzində Respublika Günü və Beynəlxalq Uşaq Müdafiəsi Gününə həsr olunmuş sərginin açılışı oldu. Sərgidə Təhsil Nazirliyinin 2 Nömrəli Uşaq-Gənclər İnkişaf Mərkəzinin şagirdlərinin 10 rəsm və müxtəlif tərzdə icra olunmuş 7 əl işi nümayiş olundu.
Baku Book Center-in direktoru Günel Rzayeva və 2 Nömrəli Uşaq-Gənclər İnkişaf Mərkəzinin direktoru Əminə Musayeva çıxış edərək, sərgidə nümayiş etdirilən hər bir əsərin özünəməxsus üsluba malik olduğunu vurğuladılar. 
Sonra Bakı Kitab Mərkəzinin “Cənnətim Qaqrabağ” layihəsinin gənc aktyorları “Qarabağ məclisi” tamaşasından parçalar ifa etdi.  Bakı Kitab Mərkəzi tərəfindən sərginin iştirakçılarına hədiyyələr təqdim olundu. Sonda tədbir iştirakçıları sərgi ilə yaxından tanış oldular.

Sizə necə kömək edə bilərik?