23 Aprel Ümumdünya Kitab və Müəlliflik Hüququ Günü münasibətilə “Nar” və Bakı Kitab Mərkəzinin birgə təşkilatçılığı və Təhsil Nazirliyinin dəstəyi ilə məktəblilər üçün “Oxu saatı” layihəsinə start verildi. 

“Oxu saatı” layihəsi çərçivəsində aprelin 24-də xalq yazıçısı Çingiz Abdullayev, mayın 1-də əməkdar artist Nərgiz Cəlilova, mayın 8-də televiziya aparıcısı Ceyhun Əli, mayın 15-də isə xalq artisti Zülfiyyə Xanbabayeva Bakı Kitab Mərkəzində uşaqlarla maraqlı onlayn görüşlər keçiriblər. 

“Zoom” platforması üzərindən keçirilən görüşlərdə qonaqlar uşaqlara kitab və kitab oxumağın insana faydasından danışdılar, onlara Azərbaycan və dünya xalqlarının nağıllarını oxudular, iştirakçıların müxtəlif suallarına cavab verdi.

Görüşlərə müxtəlif yaş qruplarından olan çox sayda uşaq qoşulmuşdu. “Oxu saatı” layihəsinin əsas məqsədi pandemiya dövründə məktəblilərin mütaliə vərdişlərini inkişaf etdirməkdir.